Лесхоз бистәсендәге вейк паркка 1 миллион сум бирелде

Татарстан Республикасы Министрлар кабинеты муниципаль район һәм шәһәр округларының "Халык социаль проектлары" дип исемләнгән эшләренә игълан иткән конкурсның җиңүчеләре билгеле булды. Грант отучылар арасында безнең район тәкъдим иткән Лесхоз бистәсендәге вейк парк та бар. Социаль проектны тормышка ашыру өчен паркка 1 миллион сум күләмендә сертификат бирелә. Конкурста әлеге проектның грант отуы спортның вейкбординг төрен (ягъни махсус тактага баскан хәлдә тросс ярдәмендә тартылып суда шуу) яратучыларга заманча шартларда шөгыльләнү өчен зур мөмкинлекләр тудырачак.