Миңнеханов медицина хезмәткәрләренең Казандагы пациентларга мөнәсәбәтен тәнкыйтьләде
2025 елда медицина учреждениеләре эше буенча 11 мең мөрәҗәгать килгән, шул ук вакытта Казанның 13 медицина учреждениесе шәһәр халкы тарафыннан иң түбән бәя алган. Бу хакта Татарстан рәисе Рөстәм Миңнеханов Казан шәһәр Думасы сессиясендә белдерде.
"Матди база буенча барысы да яхшы бара, әмма шелтәләр күп. Сәламәтлек саклау министрлыгы, мөгаен, монда. Шәһәр белән бергә әйдәгез, оешыгыз. Без акчаны кертәбез, ә урыннарда кешеләр моны сизмиләр", - дип белдерде ТР Рәисе.
Төп дәгъвалар: чиратта озак көтү, шулай ук регистратураның, шәфкать туташларының һәм табибларның мөнәсәбәте.
Шул ук вакытта Рөстәм Миңнеханов ассызыклаганча, республикада халык арасында үлүчеләр саны кимегән. Татарстан илдә түбән күрсәткечләр буенча егермелеккә керә һәм округ буенча беренче урында тора.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев