Районда бер кешегә тычкан авыруы диагнозы куелган

"Роспотребнадзор" идарәсе мәгълүматларына кара­ганда, соңгы атнада республикада бөер синдромлы геморрагик бизгәк белән авыручылар саны өч тапкыр диярлек арткан. Безнең районда да бер кешегә шундый диагноз куелган. Инфекцияне нигездә җирән кыр тычканнары тарата. Салкыннар башлангач, алар үзенә азык эзләп, халык яши торган урыннарга, печән һәм салам кибәннәренә күпләп күченә. Шуңа күрә кулга бияләй киеп эшләвең хәерле. Табигатьне яратучыларга да урманда авыру йоктыру ихтималы янавын истән чыгарырга ярамый. Сак булыгыз.