Районыбызда халыкка 1877 тонна печән өләшенгән

Хәзер рәхәт, печәнне капка төбенә китереп бирәләр, дип сөенә авыл халкы. Авыл хуҗалыгы һәм азык-төлек идарәсеннән алынган мәгълүматлар буенча районда халыкка 1877 тонна печән өләшенгән. Бу күрсәткеч - "Туган як" җәмгыятендә - 220, "Курсабаш"та - 229, "Алтын Саба-М" җәмгыятендә - 200 тонна."Юлбат" авыл хуҗалыгы предприятиесе "Килдебәк" бригадасы белән берлектә хезмәтчәннәргә 288 тонна печән биреп куандырган. "Бер хезмәткәргә дүртәр центнер авырлыкта 3әр рулон печән өләштек. Гаиләдә ике эшче булганнарга алтау эләкте", - ди "Юлбат" хуҗалыгы агрономы Фидаил Хисамиев.