Әрәмтамакларга каршы көрәш башланачак

Илебездә якын араларда әрәмтамаклык өчен җәза бирүне кайтарырга исәпләре.

Эш була торып та, алты ай буена эшсез яткан кешеләрне җавапка тартырга тәкъдим итә депутатлар. Бу бер елга кадәр төзәтү эшләре булырга охшаган. Җинаять җаваплылыгы 18 яше тулмаганнарга, инвалидларга, инвалид бала тәрбияләүче ата-аналарга һәм 14 яшькәчә балалары булган хатын-кызларга кагылмый.

Моннан тыш, үз теләге белән җәмәгать эшләре белән шөгыльләнүчеләргә ай саен 6000 сум акча һәм беренче бала өчен ана капиталы түләргә мөмкиннәр.

Инициативаны Дәүләт Думасының хезмәт, социаль сәясәт һәм ветераннар эшләре буенча комитеты хуплаган инде.

Әлмәт таңнары