Роспотребнадзор Татарстанның туберкулез белән авыручылар саны иң югары булган районнарын атады

Бу хакта «Татар-информ» да узган матбугат конференциясендә Роспотребнадзорның ТР буенча идарәсенең территорияне санитар саклау бүлеге башлыгы Анна Алешина сөйләде.

"Безнең территорияләребез бар – 18 муниципаль районда авыручылар саны республика дәрәҗәсеннән югарырак. Мәсәлән, Менделеевск районында авыручылар саны өч тапкырга күбрәк", - дип билгеләп үтте ул.

Бу исемлеккә шулай ук Чирмешән, Югары Ослан, Нурлат, Яшел Үзән, Әгерҗе, Азнакай, Арча, Тәтеш, Бөгелмә, Түбән Кама, Чүпрәле, Минзәлә, Биектау, Зәй, Сарман һәм Спас районнары кергән.

"Бу күренешнең берничә сәбәбе булырга мөмкин. Кыскасы, тикшерүләр никадәр югары булса, ачыклану шулкадәр югарырак. Икенче аспект шунда ки, бу районнарда ачыкланмаган очраклар күп булды. 2025 елда алар статистикага керделәр", - дип аңлатты Анна Алешина.

Тулырак:Татар информ