Рөстәм Миңнеханов Татарстан халкын Әтиләр көне белән тәбрик итте

Татарстан Рәисе Рөстәм Миңнеханов

Фото: ТР Рәисенең матбугат хезмәте

«Бүген илебездә искиткеч бәйрәм – Әтиләр көне билгеләп үтелә! Чын күңелдән котлыйм!» - дип язган республика җитәкчесе.

«Нәкъ менә әтиләр безне җаваплылыкка, кыюлыкка һәм үз көчләренә ышанырга өйрәтә. Аларның тәҗрибәсе һәм акыллы киңәшләре катлаулы хәлләрдә безнең ориентирга әверелә», – дип искәртте Миңнеханов.

ТР Рәисе урнаштырган видеокүзәтүдә әтиләр һәм аларның балалары арасындагы үзара бәйләнешнең төрле мизгелләре чагылыш тапкан. Кадр артындагы тавыш әти кешенең «яклаучы да, терәк тә, киңәшче дә, авыр минутларда һәрвакыт ярдәмгә килә торган гади кеше дә була алуын» искәртә.

Россиядә Әтиләр көне 2021 елдан башлап октябрьнең өченче якшәмбесендә билгеләп үтелә. Бу бәйрәмне беренче тапкыр Америка Кушма Штатларында 1910 елда билгеләп үтәләр. 1966 елдан Әтиләр көне АКШта рәсми статус ала, аны Кушма Штатларда һәм башка илләрдә июньнең өченче якшәмбесендә бәйрәм итәләр.

t.me/rustamminnikhanov видеосы.

Кызыклы яңалыкларны күзәтеп бару өчен Телеграм-каналга язылыгыз

Тулырак: https://tatar-inform.tatar/news/minnixanov-pozdravil-zitelei-tatarstana-s-dnem-otca-5912814

Фото: Рөстәм Миңнехановның Telegram-каналында урнаштырылган видеодан скриншот