Рөстәм Миңнеханов Татарстан халкын Балаларны яклау көне белән котлады

Фото: Татарстан Рәисенең матбугат хезмәте

Татарстан Рәисе Рөстәм Миңнеханов Telegram мессенджеры һәм «ВКонтакте» социаль челтәрендәге язылучыларын Халыкара балаларны яклау көне белән тәбрик итте.

«Балаларыбыз бәхетле булсын. Бәйрәм белән дуслар! Балаларны яклау көне белән» - дип язган ул.

Республика җитәкчесе шулай ук видеоролик урнаштырган, анда балалар рус һәм татар телендә әти-әниләрен яратулары һәм алардан нәрсәгә өйрәнә алулары турында сөйли.

«Ата-ана өчен иң кадерлесе – балаңның «Мин сине яратам!» дигән сүзләре. Ә бала өчен иң кадерлесе - аның әти-әнисе», - ди видеоның финалында кадр артындагы тавыш.

Тулырак: https://tatar-inform.tatar/news/rostam-minnexanov-tatarstan-xalkyn-balalarny-yaklau-kone-belan-kotlady-5888490