Саба муниципаль районы башлыгы Рәис Миңнехановның САБАНТУЙ бәйрәме белән КОТЛАВЫ

Заман  ничек кенә үзгәрмәсен, без бу бәй­рәмгә  һәрвакыттагыча нык­лап әзер­ләнәбез. Сабан туе – милли гореф-га­дәтләребезне  саклауга, тра­дицияләребезне бар­лауга, хезмәт  кешесен данлауга,  бәйгеләрдә  көч сынашуга нигезләнгән,  уен-көлке,  җыр-моңга кү­мел­гән шатлыклы, тор­мыш-көнкүрешебезнең мул­лыгын,  юмартлыгыбызны, ихласлыгыбызны  күрсәтүче бәйрәм. Са­­балыларның да тырыш,  намуслы  хез­мәттән, сабан  төгәлләнгәннән соң  бәйрәм  итәргә  тулы хакы  бар.  Нигезендә  икмәк, фидакарь  хезмәт,  дуслык-туганлык яткан Са­бантуйлары туган  белән  туганны,  күптән күрешмәгән  класс­ташларны, авылдашларны,  дусларны очраштыра.

Сабантуй  – Татарстанда милли мәдәниятләр һәм гореф-гадәтләр  елында күркәм традицияләребезне,  халык  талантларын, үзешчән   сән­гатебезне мәйданнарга  чыгару  өчен дә зур мөмкинлек. Кунак­чыл­лыгыбызны,  асыл  сыйфатларыбызны гәүдәләндерүче  мәңге яшь бу бәйрәм күптән инде милли чикләрне узды. Хәзер  ул бөтен ха­лыкның яраткан һәм көтеп алган бәйрәме. Сабантуйны барлык мил­ләт вәкиле үз итә,  бәйрәмгә үзенә хас бизәген өсти,  уртак го­реф-гадәтләргә ихтирамы арта. Без милли бәйрәм көннәрендә  рухи мирасыбыз дәвамчысы булып, үз асылыбызга кайтабыз.

Сабан туенда без беренче чиратта авыл хуҗалыгы алдынгыларын хөрмәтлибез,  туендыручы  җиребезгә  хөрмәт  белдерәбез. Иген­челәрнең  фидакарь хезмәте  нәтиҗәсендә быел да язгы  кыр эшләре тиешле  срокларда  төгәлләнде. Инде табигать-анабыз мәр­хәмәте белән  мул уңыш үстереп, ашлыкны югалтусыз җыеп алырга насыйп булсын.

Бәйрәмнәр һәр өйгә, һәр гаиләгә шатлык-сөенечләр генә китерсен. Сабантуй тормышыбызга ямь өстәсен, игелекле гамәлләргә рухландырсын һәм, әлбәттә,  шифалы яңгыр­ларын  да  алып   килсен.  Сабантуй барыбызга да онытылмас тәэсирләр бүләк итсен, аралашу, милли традицияләр белән танышу мөмкинлеге бирсен. Барыгызга да исәнлек-саулык, гаилә бәхете һәм иминлек, бәйрәмчә  көр кәеф телим.