Сабада кырау төшәргә мөмкин, дип фаразлый синоптиклар

Татарстанда куркыныч метеорологик күренешләр турында кисәтү игълан ителде.

30 майда республика территориясендә төнлә көнчыгыш һәм көньяк районнарда урыны белән туфракта 2 градус салкын көтелә.

Иртәгә болытлы һава, явым-төшем юк. Төнлә температура 5-10 градус җылы, республиканың көнчыгыш һәм көньяк районнарында 3-8 градус. Көндез температура 17-22 градус җылы тәшкил итәчәк. Казанда төнлә 5-8 гардус җылы, ә көндез 18-20.

29 майдан 4 июньгә кадәр Татарстан территориясендә урманнарда янгын чыгу куркынычы саклана, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Татар-Информ.