"Сабагаз"лылар - призлы урында

Шушы көннәрдә Казан шәһәрендә «Газпром трансгаз Казань» җәмгыяте хезмәткәрләренең Кышкы спартакиадасы үтте. Татарстанның 27 идарәсеннән килгән һәвәскәр спортчылар 4 уен төрендә- чаңгы, полиатлон, ату һәм өстәл теннисы буенча көч сынаштылар. "Сабагаз" идарәсе командасыннан Данил Ганиев чаңгыда финишка - беренче, Ильяс Шиабетдинов икенче килде, Альберт Кашапов атуда- беренче нәтиҗәне күрсәтте, Альберт Мөбарәков, Рәвия Фәсхетдинова полиатлон төрендә - икенче урыннарны алдылар. Гомуми нәтиҗәләр буенча Кышкы спартакиада "Сабагаз" идарәсе командасы 3нче призлы урынга лаек булды һәм Дипломнар, кыйммәтле призлар белән бүләкләнде. Котлыйбыз!