Сабантуйда Кыр батырлары да хөрмәтләнәчәк

Ветеран җитәкче-агрономнар,  авыл хуҗалыгы һәм азык-төлек идарәсе, тармак  белгечләреннән төзелгән 10  комиссия берничә көн дәвамында районның барлык хуҗалыклары кырларын йөреп чыкты. Бөртекле культураларның шытып чыгуын, чүплелеген  тикшерделәр һәм сыйфат буенча баллар куелды.  Җитәкчеләре үз хуҗалыкларындагы язгы һәм көзге культураларның торышын күршеләренеке  белән чагыштырып карау мөмкинлеге алды. Баллардан чыгып чәчүдә катнашкан  механизаторлар  арасында  кыр батырлары билгеләнде. Алар район Сабантуе  мәйданында хөрмәтләнәчәкләр.