Татарстанда 1 гыйнвардан дәүләт хезмәткәрләренең окладлары арта

Әйтик, ТР башкарма хакимият органнары территориаль органнарында вазифаларның кече төркеме «тәэмин итүче белгечләр» категориясендә өченче разрядлы белгечнең вазифаи оклады, 1,05 тапкыр индексацияләнеп, 13 990 сум тәшкил итәчәк. Әлеге сумма дәүләт гражданлык хезмәткәрләренең вазифаи окладлары күләмнәрен исәпләү өчен кирәк.

ТР башкарма хакимият органы территориаль органы җитәкчесе секретареның вазифаи оклады да шул ук коэффициентка күтәрелә. Әлеге күрсәткеч үз ведомстволары эшчәнлеген техник яктан тәэмин итүче республика дәүләт органнары хезмәткәрләренең вазифаи окладлары күләмнәрен билгеләү өчен кулланыла. Аларның вазифалары хезмәткәрләрнең беренче категориясенә карамый.

Өченче указ нигезендә ТР министрларының айлык окладлары күләмен 48 871 сумга кадәр арттырачаклар. Бу республиканың дәүләт вазифаларын биләүче затларның айлык окладлары күләмен исәпләү өчен кирәк.

Барлык документлар да 2025 елның 1 гыйнварыннан үз көченә керә.

Кызыклы яңалыкларны күзәтеп бару өчен Телеграм-каналга язылыгыз

Тулырак: https://tatar-inform.tatar/news/tatarstanda-1-gyinvardan-daulat-xezmatkarlarenen-okladlary-arta-5894234