Татарстанда ауның барлык төрләренә октябрь азагына кадәр тыю кертелде
Татарстанда 16 октябрьдән 31 октябрьгә кадәр аучылык урманнарында ауның барлык төрләренә тыю гамәлгә кертелде. Бу хакта республиканың Биологик ресурслар буенча дәүләт комитетында искәрттеләр.
Фото: © «Татар-информ», Салават Камалетдинов
Бу вакытта төбәктә профилактик рейдлар үткәреләчәк. Дәүләт комитеты хезмәткәрләре һәм хокук саклау органнары вакытлыча кертелгән тыюның үтәлүен тикшерәчәк.
Аучыларга шулай ук тыюны бозган өчен җаваплылык турында искәрттеләр. «Гражданнар өчен — бер елдан ике елга кадәр аучылык итү хокукыннан мәхрүм итү, вазифаи затлар өчен — ау коралларын конфискацияләү белән яки аннан башка 35 меңнән 50 мең сумга кадәр штраф», - дип билгеләп үтелә матбугат хезмәте хәбәрендә.
Тулырак: https://tatar-inform.tatar/news/tatarstanda-aunyn-barlyk-torlarena-oktyabr-azagyna-kadar-tyyu-kertelde-5894822
Следите за самым важным и интересным в Telegram-каналеТатмедиа
Нет комментариев