Татарстанда фатирларда йорт хайваннары санын чикләргә тәкъдим иттеләр

Татарстанда йорт хайваннарын күпфатирлы йортларда тоту нормаларын кертү мөмкинлеге карала. Республика Министрлар Кабинеты карарының тиешле проекты Коррупциягә каршы экспертиза уза.

Документ бер хайванга мәйдан нормасын билгеләүне күздә тота. 

«Күпфатирлы йортның торак биналарында торак бинаның гомуми мәйданының һәр 18 квадрат метрына бердән артык эт яки бердән артык мәче тотарга ярамый», – диелгән документта.

Моннан тыш, торакның аерым типлары өчен чикләүләр кертү тәкъдим ителә. Аерым алганда, коммуналь фатирларда һәм берничә гаилә яши торган биналарда потенциаль куркыныч эт токымнарын тотуны тыю планлаштырыла.

Элегрәк Дәүләт Думасы депутаты Евгений Марченко парламентның аскы палатасына карау өчен торак мәйданына карап, фатирларда этләр һәм мәчеләрнең чикле санын билгеләргә тәкъдим ителә торган закон проектын керткән иде.

Татар-информ