Татарстанда Корбан бәйрәмендә корбан чалу өчен 61 мәйданчык җиһазландырыла

Быел Татарстанда Корбан чалу өчен 61 мәйданчык җиһазландырылачак, шул исәптән 18е – Казанда. Бу хакта бүген Татарстан Республикасы мөселманнары Диния нәзарәте журналистларына Татарстан Республикасы Министрлар Кабинетының Баш ветеринария идарәсе башлыгы урынбасары Габделхак Мотыйгуллин хәбәр итте.

"Узган ел республикада 51 мәйданчык эшләде, шуларның 17се – Казанда. Корбан хайваннарын тоту һәм сую мәйданчыкларын алдан әзерләргә кирәк", - диде ул.

Сую мәйданчыклары каты өслекле булырга, биологик калдыкларны җыю өчен контейнерлар, кан һәм органик калдыкларны җыю өчен савытлар белән җиһазландырылырга тиеш. Барлык биоүткәргечләрне бәйрәмнән соң үзәкләштереп эшкәртүгә җибәрәчәкләр.

Бәйрәм көннәрендә барлык мәйданчыкларда ветеринария-санитария экспертлары кизү торачак. Алар аны социаль учреждениеләргә тапшырырга теләүчеләр өчен иткә экспертиза үткәрәчәк һәм кирәкле документларны рәсмиләштерәчәк. Итне ветеринария белешмәләреннән һәм таныклыкларыннан башка кабул итү тыела.

Корбан бәйрәме Татарстан мәдәниятенең аерылгысыз өлеше булып тора, дип өстәде Казанның баш мөхтәсибе Рөстәм хәзрәт Вәлиуллин.

"Корбан бәйрәменә әзерлекне без Рамазан аеннан соң башлыйбыз, каноник һәм этик нормалар тулысынча үтәлсен өчен. Без бу бәйрәмне югары дәрәҗәдә уздырырга тиеш", - дип белдерде ул.

Дини кануннар нигезендә, корбан итен өч өлешкә бүләргә кирәк. Өчтән бер өлешен мөселман үзенә калдыра, икенчесен туганнарына, дусларына һәм күршеләренә сый әзерлиләр, ә өчтән бер өлешен мохтаҗларга таратырга кирәк.

«Бу бәйрәм республиканың мохтаҗ халкына корбан ите өләшү аша рухи һәм әхлакый яктан күтәрелүебезне күрсәтә", - дип ассызыклады Вәлиуллин.Быел Татарстанда Корбан чалу өчен 61 мәйданчык җиһазландырылачак, шул исәптән 18е – Казанда. Бу хакта бүген Татарстан Республикасы мөселманнары Диния нәзарәте журналистларына Татарстан Республикасы Министрлар Кабинетының Баш ветеринария идарәсе башлыгы урынбасары Габделхак Мотыйгуллин хәбәр итте. "Узган ел республикада 51 мәйданчык эшләде, шуларның 17се – Казанда. Корбан хайваннарын тоту һәм сую мәйданчыкларын алдан әзерләргә кирәк", - диде ул.

Татар-информ