Татарстанда Крещение көнендә 26 меңгә якын кеше бәкедә коенырга теләк белдергән
Крещениене бәйрәм иткән көннәрдә 26 меңгә якын кеше бәкедә коенырга теләк белдергән. Россия Гадәттән тыш хәлләр министрлыгы ТР буенча Баш идарәсенең су объектларында кешеләр иминлеге бүлеге башлыгы Регина Гаязова бүген «Татар-информ» агентлыгында узган матбугат конференциясендә шулай дип белдерде.
«Без муниципаль районнар тәкъдим иткән белешмәләрне гомумиләштердек. Республиканың 37 муниципаль берәмлегендә сулыкларда һәм бәкеләрдә, шулай ук 1,5 метрга кадәр тирәнлектәге чишмәләрдә су коену урыннары оештырылачак. Андый урыннар барлыгы – 108», - дип китерде ул.
19 урын - елгаларда, 25е күлләрдә һәм буаларда урнашкан. Шулай ук 1,5 метрга кадәр тирәнлектәге чишмәләрдә коену өчен 64 бәке җиһазландырылган.
«Шулай ук биш муниципаль берәмлектә, Арча, Саба, Баулы, Чүпрәле һәм Казанда 1 метрга кадәр тирәнлектәге чаннарда салкын суга чумарга ниятлиләр. Алар коену урыннарының гомуми исемлегенә кертелмәгән», - дип өстәде Гаязова.
Гадәттән тыш хәлләр министрлыгы мәгълүматлары буенча, 26 меңгә якын кеше бозлы суга чумарга теләк белдергән.
Кызыклы яңалыкларны күзәтеп бару өчен Телеграм-каналга язылыгыз
Тулырак:https://tatar-inform.tatar/news/mcs-v-tatarstane-zdem-pocti-26-tysyac-zelayushhix-okunutsya-v-kupeli-v-kreshhenie-5917360?utm_source=yxnews&utm_medium=desktop&utm_referrer=https%3A%2F%2Fdzen.ru%2Fnews%2Fstory%2Fb57a0f4a-cf32-5940-acdf-4aa6665651e7
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев