Татарстанда вазыйфаи җинаять кылучылар саны арткан

2015 елда Татарстан Президенты Аппаратына коррупциягә һәм вазыйфасыннан үз мәнфәгатьләрендә файдалануга бәйле 62 мөрәҗәгать килеп ирешкән. Аларның күпчелеге республиканың 18 районының муниципаль хезмәткәренә кагыла. Мөрәҗәгатьләрнең күбесе Аксубай, Лаеш, Әлмәт, Түбән Кама, Алексеевск, Яшел Үзән, Әгерҗе, Әлки, Баулы, Бөгелмә, Сарман, Мамадыш, Балык Бистәсе районнары, Казан һәм Яр Чаллыдан шәһәрләреннән килеп ирешкән. Соңгы берничә елда Актаныш, Тәтеш, Яңа Чишмә, Буа, Минзәлә, Апас, Теләче, Тукай районнарыннан вазыйфаи затларның эш урыннарын үз мәнфәгатьләрендә файдалануга бәйле мөрәҗәгатьләр булмаган икән.

Татарстан буенча Эчке эшләр министрлыгы мәгълүматларына караганда, 2015 елда Татарстанда 842 вазыйфаи җинаять кылынган. 2014 ел белән чагыштырганда, бу күрсәткеч 20 процентка югары.

http://www.vatantat.ru