Татарстанның 20 мәктәбендә биометрия буенча керү ысулын тикшереп карыйлар

 Татарстанда 20 мәктәптә эчкә узуның биометрик системасын кертү буенча пилот проекты старт алды: махсус сканерлар укучыларның йөзләрен укый һәм мәгълүматларны бердәм биометрик система (ББС) белән чагыштыра. Системада теркәлү ата-аналарның ризалыгы белән генә мөмкин. Инде кертелгән мәгълүматларны теләсә кайсы вакытта кире алырга мөмкин.

50 млн кеше турында мәгълүмат саклана торган ББС мәктәпләргә аккредитацияләнгән оешмалар аша керү мөмкинлеге бирәчәк. Шул ук вакытта һәр мәктәп технологияне кертергәме-юкмы икәнен мөстәкыйль хәл итәргә хокуклы. Биометрик технологияләр үзәгендә (ББС операторы) ачыклаганча, биометрик үрнәк 3-5 ел актив кала, ә балаларны теркәү процессы инде техник яктан гамәлгә ашырылган, гәрчә әлегә мондый язмалар саны аз булса да, дип хәбәр итә (Казань КП)