VK Fest икенче ел рәттән Казанда узачак

VK Fest янә Казанга килә. Фестиваль 7 июньдә шулай ук «касә» янындагы мәйданчыкта узачак. Анонс бүген «Казан» гаилә үзәге янындагы яр буенда узды: вакыйга башлану билгесе итеп бинаның фасады һәм фонарьлар бренд чәчәкләре белән яктыртылды. Чара Музыка һәм лазерлы шоу белән үрелеп барды.

Узган ел VK Fest Казанда 20 мең кешене җыйган, ә билетлар стартка ике көн кала таралып беткән, дип билгеләп үттеләр оештыручылар. Быел территорияне киңәйтергә һәм тагын да күбрәк кунаклар кабул итәргә вәгъдә итәләр.

Ни өчен яңадан Казан сайланды? Фестиваль җитәкчесе Зоя Новикова моны  түбәндәгечә аңлатты:

"Без чыннан да Казанны уникаль дип саныйбыз. Бу яр буе, бу «касә» – шәһәр өчен үзенчәлекле урын. Бер генә объект та безне мондый перфомансларга илһамландырмады әле. Без администрациягә үзебезнең тыйнак хулиганлыкларыбызны булдыру мөмкинлеге бирүләре өчен рәхмәтле. Фестиваль - ул һәрвакыт үзенә гадәттәгедән бераз күбрәк рөхсәт итү турында", - дип билгеләп үтте оештыручы.

ТАТАР ИНФОРМ