Яңа туган баласын чиләктәге суга батырган

Вакыйга бала тудырган ханым үзен начар хис итеп, табибларга мөрәҗәгать иткәч кенә ачыклана. Ул авырлы булуын якыннарына сиздертмәгән, табибларга да күренмәгән.

Тулгак тота башлагач, әлеге ханым үзлегеннән мунчада бала таба. Соңрак билгеле булганча, сабый сау-сәламәт, җитлегеп туган була. Ә ана кеше үз баласын үтерү теләге белән аны сулы чиләккә салып калдыра.

Әгерҗе район суды Азево авылында яшәүче 25 яшьлек Татьяна Мерзляковага карата хөкем карары чыгарган. Ике бала әнисе өченче сабыен үтерүдә гаепле дип табылган һәм 3 елга шартлы рәвештә ирегеннән мәхрүм ителгән. Хөкем ителүче гаебен тулысынча таныган.

Әлмәт таңнары