Айрат Гафуров «Татарстан Республикасы алдындагы казанышлары өчен» ордены медале белән бүләкләнде!

    Татарстан Республикасы Рәисе Рөстәм Миңнеханов кушуы буенча медальне Ленинград хәрби округы командующие вазыйфаларын башкаручы генерал-лейтенант Рөстәм Миңнекаев тапшырды.  Айрат Гафуров яшьләрне хәрби-патриотик тәрбияләүгә керткән аерым өлеше, актив иҗтимагый һәм хәйрия эшчәнлеге өчен билгеләп үтелде. Айрат Нурфаяз улы-Татарстанның Саба районында туган. Үзенең кече ватанын беркайчан да онытмый торган кеше. Нәкъ менә аның инициативасы белән 2025 елның 4 ноябрендә Байлар Сабасы бистәсендә хәбәрсез югалган сугышчыларга Россиядә беренче һәйкәл ачылды. Айрат Гафуров өчен бу проект тирән шәхси әһәмияткә ия: Бөек Ватан сугышы фронтларында аның җиде туганы, шул исәптән бабасы хәбәрсез югалган.

 «Бүген мин бабаларымны өйгә кайтардым", — диде ул мемориал ачылышында.

   Айрат Гафуров җитәкчелегендәге «Суворов» фонды беренче көннәрдән үк Татарстанда туып-үскән кешеләр хезмәт итә торган бүлекчәләргә системалы ярдәм күрсәтә.  Алгы сызыкка югары үтә торган машиналар, медикаментлар һәм кирәк-яраклар җибәрелә. Якын арада егетләр өчен чираттагы конвой җибәреләчәк. Айрат Нурфаяз улын лаеклы бүләге белән котлыйбыз!