Авыл хуҗалыгы җитештерүчеләре өчен кредитларны субсидияләүгә 60,5 млрд сум акча бирелә
Россия Федерациясе Хөкүмәте авыл хуҗалыгы җитештерүчеләре өчен ташламалы кредитларны субсидияләүгә өстәмә рәвештә 60,5 млрд сумнан артык акча бүлеп бирәчәк. Тиешле күрсәтмәгә Хөкүмәт Рәисе Михаил Мишустин кул куйды, дип хәбәр итә Министрлар Кабинетының матбугат хезмәте.
Хөкүмәтнең резерв фондыннан бирелгән бу акчалар алдан бирелгән 48 мең кредитка ташламалы процент ставкасын саклап калырга мөмкинлек бирәчәк. Бу исә үз чиратында авыл хуҗалыгы җитештерүчеләренә өстәмә күләмдә чимал һәм азык-төлек җитештерү өчен әйләнештәге акчаларны азат итәргә мөмкинлек бирәчәк.
«Бүлеп бирелгән акчаларны исәпкә алганда, авыл хуҗалыгы җитештерүчеләре өчен ташламалы кредитлау программасы буенча субсидияләрнең гомуми күләме 2025 елда 250,1 млрд сумга җитте», – дип ачыклык керттеләр матбугат хезмәтендә.
Кызыклы яңалыкларны күзәтеп бару өчен Телеграм-каналга язылыгыз
Тулырак: https://tatar-inform.tatar/news/avyl-xualygy-itesterucelare-ocen-kreditlarny-subsidiyalauga-605-mlrd-sum-akca-birela-5915707
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев