«Бәләкәч» балалар бакчасында һөнәрләр һәм хоббилар атналыгы узды

 Атналык кысаларында  балалар бакчасына Саба районындагы агросәнәгать комплексы хезмәтчәннәренең профсоюз рәисе Гөлназ Нигъмәтҗанова килде,  ул балалар белән мавыктыргыч әңгәмә уздырды, төбәгебезнең авыл һәм аграр хуҗалыгы турында сөйләде. Балалар Гөлназ Равил кызының  фермерларның азык табу өчен ничек эшләүләре, сөт, ит һәм башка продуктлар бирүче терлекләр турында ничек кайгыртулары турында сөйләгәннәрен кызыксынып тыңладылар. Ул шулай ук иген игү, икмәк үстерү тәртипләрен дә аңлатты. Чара азагында Гөлназ Равил кызы балаларга борчак һәм люпин бөртекләрен җыеп, уен уйнарга тәкъдим итте. Бу шөгыль балаларның күңелен ачып кына калмыйча, аларга авыл хуҗалыгында хезмәтнең мөһимлеген яхшырак аңларга ярдәм итте. Визит һөнәрләр дөньясы турында бик күп уңай эмоцияләр һәм белемнәр калдырды.

 Атналык барышында балалар бакчасына тагын бер кунак - хореограф-биюче  Альбина Галиева килде. Ул балалар белән бию элементларын да кертеп,  иртәнге гимнастика үткәрде. Альбина Рөстәм кызы балаларның сәламәтлеген ныгытучы һәм хәрәкәтләрне координацияләүне үстерә торган гади күнегүләр белән таныштырды. Балалар дәрестә бик теләп катнаштылар, тренер артыннан төрле хәрәкәтләрне кабатладылар һәм командада эшләргә өйрәнделәр.  Бу чара һөнәрләр атналыгы кысаларында якты мизгел булды, балаларны спорт һәм бию белән шөгыльләнергә дәртләндерде.