Бер күрешик әле, бүген кич

Әлеге чара Татарстан Республикасында милли мәдәниятләр һәм гореф гадәтләрне саклау елы уңаеннан уздырылды. Кичәдә Түбән Симет клубы, Югары Симет мәдәният йорты каршында эшләп килүче клуб берләшмәләренә йөрүчеләр катнашты. Әлеге чара җырлы-биюле милли уеннар, кызыклы конкурслар белән үрелеп барды, баянга кушылып онытылып барган татар халык җырлары, яшьлек җырлары башкарылды.

Әдәби һәм тарихи темаларга викторина оештырылды. Китапханәче күргәзмәдәге кул эшләнмәләренә, шулай ук "Татар дөньясы" һәм "Татар милли ашлары" китапларына күзәтү ясады.