Байлар Сабасында яшәүче Шамсетдин ага Минһаҗевны 95 яшьлек юбилее белән котладылар

     Минһаҗев Шамсетдин Минһаҗ улы 1929 елның 17 ноябрендә Саба районы Юлбат авылында туган. Гаиләдә алар 5 бала үсәләр. Мәктәпне тәмамлаганнан соң (4 классны Юлбатта, 7 не Сатышта, 11 не Сабаның кичке мәктәбендә укый), 1949 нчы елның июлендә армия сафларына алына. 1952 елда хезмәт итеп кайткач, Зөя (Свияжск) шәһәрендә май заводының 1 еллык курсларын тәмамлап, 1953 елдан Саба май заводында өлкән мастер булып эшли башлый. Шунда 40 ел эшләп,1996 елда лаеклы ялга чыга. Шамсетдин абый тормыш иптәше Сания апа белән 4 бала тәрбияләп үстерәләр-2 кыз, 2 малай (бер балалары вафат). Алар барысы да үз гаиләләре белән Сабада яшиләр. Бүгенге көндә Шамсетдин абый белән Сания апа 9 онык һәм 5 оныкчыкларын тәрбияләүдә булышып, тормышларына шөкер итеп бәхетле гомер кичерәләр.