Бүген «Ел хатын-кызы. Ел ир-аты: хатын-кыз карашыннан» Республика конкурсына йомгак ясалачак

Бүген, 7 март көнне, Казанның С.Сәйдәшев исемендәге Зур Концертлар залында "Ел хатын-кызы. Ел ир-аты: хатын-кыз карашыннан" Республика конкурсына йомгак ясалачак. 

Халыкара хатын-кызлар көне алдыннан узучы әлеге очрашуга районыбыз хатын-кызлары делегациясе дә барды. 

Бәйрәм чарасында бәйгенең зона этабында җиңү яулаган Югары Утар акылга зәгыйфь балалар йорты - интернатында сестра-хозяйка вазыйфасын башкаручы, Татарстан Республикасының атказанган социаль хезмәткәре Әнисә Хәмит кызы Зарипова ("Хатын-кыз - әни" номинациясендә), Шәмәрдәннең "Саида" җәмгыяте директоры урынбасары Әлфия Ризван кызы Галяметдинова ("Бизнес леди" номинациясендә), шулай ук мобилизацияләнгән райондашларыбызның әниләре һәм тормыш иптәшләре  дә катнаша.