Бүген Сабада районкүләм ифтар уза
Табын 700 кешегә әзерләнә
Рамазан аен һәркайсыбыз зур дулкынлану һәм шатлык хисләре белән каршы алды. Чөнки хәдисләрдә әйтелгәнчә, бу айда Аллаһ адәм баласын Үз рәхмәте белән колачлый, кимчелек-хаталарны кичерә, кылган догаларны кабул итә.
Быел саваплы мәҗлес район күләмендә 8 нче тапкыр үткәрелә. Чара узачак «САБА-АРЕНА» спорт үзәгендә волонтерлар иртә баштан табын кора, кунакларны каршыларга әзерләнә. Бүген табында яшелчәләр, казылык, сыр , җимешләр, компот, татлы ризыклар, өчпочмак, кайнар пылау, чәй тәкъдим ителәчәк. Авыз ачканчы дин әһелләренең вәгазьләре яңгыраячак, бергәләп җәмәгать намазы укылачак.
Бәйрәмгә билетлар әле дә сатыла. Бер билет бәясе -100 сум. Аннан җыелган акча мохтаҗ гаиләләргә сәдака итеп таратылачак. Ифтарда теләге булган һәркем катнаша ала, рәхим итегез!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев