Дәүләт ярдәме белән яңа йортлы булалар

  Түбән Шытсуда "Авыл территорияләрен комплекслы үстерү"дәүләт программасы буенча торак йорт төзү дәвам итә. Төзелешне "ПМК 159" җаваплылыгы чикләнгән  подряд оешмасы алып бара. Яңа йортның булачак хуҗалары – Филипповлар гаиләсе. Йорт башлыгы Владимир һәм Алинә «Шытсу» авыл хуҗалыгы предприятиесендә хезмәт куялар. Гаиләдә 4 бала үсә. Яңа йортта эчке эшләр генә алып бара. Филипповлар яңа нигезгә бар эшләр тәмамланганнан соң ел ахырына күчәргә ниятлиләр. Бәрәкәтле, имин нигез булсын, балаларын тигезлектә үстерсеннәр дип телик.