Гүзәлебез булдыра!

Язмам авылыбызның уңган-бул­ган килене, клуб мөдире Гү­­зәл Шәрәфиева турында. Без­­нең Гүзәлебез бәйрәм ки­­чәләрен һәрвакыт зурлап кон­цертлар оеш­тырып уздыра. Өл­кәннәр декадасында да шулай бул­ды. 3 октябрь көнне барлык өл­кәннәрне  мәдәният учагына чакырып, зурлап бәйрәм ки­чәсе уздырды. Әлеге чарага  Төбәк,  Теләче районының Олы-Мишә, Түбән Саурыш авыл­ларының клуб мөдирләре үзеш­чән артистлар белән кил­деләр. Концертта Олы Мишә мәктәбе укучылары да катнашты. Өлкәннәрне  һәм бәйрәм ку­накларын Олы Кибәче авыл җир­леге башлыгы Айрат Сафин тәбрикләде. Кичәне Гүзәлебез бик матур һәм эчтәлекле итеп алып барды. Җавап сүзе белән без дә барлык оештыручыларга, килгән артистларга, мәктәп укучыларына сәламәтлек, ак бәхетләр теләдек, “Сез-бул­ды­ра­сыз!” дип, рәхмәт сүзләре җит­кердек.

Гәптрәүф Мифтахов.