Исерек һәм правасыз

  Юл хәрәкәте кагыйдәләрен тупас рәвештә үтәмәүчеләргә штрафлар күләме зур. Әмма эчкән хәлдә транспорт белән идарә итүчеләрне судка гел чакырып торалар. Мәсәлән, ГАИ хезмәткәрләре 24 октябрьдә үткәрелгән рейд вакытында Шә­мәр­дәннең Семейная урамында “УАЗ”  автомобиленә утырган Мансур  Матюсыповның исерек хәлдә бу­луын ачыклыйлар. Алкотектор бе­лән  тикшерү  аның  сулышында 0,454 концентрациясендә этил  спирты микъ­дары барлыгын күрсәтә. Шу­ның өстәвенә Матюсыповның маши­на белән  идарә  итү таныклыгы да бул­мый. Судта ул “УАЗ”га аны икенче урынга күчереп  кую өчен генә утырганлыгын  аңлатты. Әмма закон­да, бер метр гына барасы булса, исерек  ки­леш транспорт  йөртергә  ярый дигән,  искәрмә  юк. КоАПның 3нчы статьясы  нигезендә исерек һәм пра­васыз  машина   йөртүчеләргә  15 тәү­леккә   административ  арест  ка­рал­ган. Җәмәгать  судьясы Мансур  Ма­тюсыповка  карата  суд  шул статья ни­гезендә  карар чыгарды. Карар   законлы  көченә   керде.

Саба  муниципаль районы  юл хәрәкәте иминлеге  комиссиясе  ярдәмендә әзерләнде.