Юлларда саграк йөрик

  Юлларда бәхетсезлек очракларын кисәтү максатынннан 18 ноябрьдән 27 ноябрьгә кадәр республикада  «Каршы як полоса» профилактик чарасы бара.  Бу  чорда кагыйдәләрне  шушы рәвешле  бозучылар  аеруча­ игътибарга  алыначак. Агымдагы ел­ның 10 аенда Татарстанда йөр­тү­челәрнең шундый  хәтәр  маневр  ясаулары аркасында   206  юл-транспорт  вакыйгасы теркәлгән. Ава­рияләрдә 89 кеше  үлгән,  350 ке­ше тән җәрәхәтләре  алган.  Юл-транспорт һәлакәтләренең иң еш оч­рагы – каршы як хәрәкәт юлына чы­гып бәрелешүләр барлык  фа­җи­­галәрнең 34,2 процентын  алып тора.

 “Ел башыннан районда каршы як полосага чыгып узып киткән 140 ма­шина йөртүче административ җа­вап­лылыкка тартылды.  Узып китү ка­гыйдәләрен бозган өчен 5000 сум күләмендә штраф яки 6 айга кадәр  транспорт белән идарә итү хокукыннан мәхрүм итү каралган.  Икенче тапкыр кагыйдәне бозучы бер елга кадәр йөртү хокукыннан мәхрүм ите­лә. Моннан тыш, административ җәзага дучар ителгән һәм әлеге га­мәл өчен транспорт чаралары белән ида­рә итү хокукыннан мәхрүм ител­гән затка өч елга кадәр иректән мәхрүм ителү куркынычы яный”,– дип искәртә ГАИның район бүлекчәсе начальнигы  Марат Гаязов.

Дәүләт автоинспекциясе юл хә­рә­­кәтендә катнашучыларны юл хә­рәкәте кагыйдәләрен төгәл үтәргә чакыра.