Кече Шыңарда балалар белән балык тоту ярышы оештырдылар

16 августта Кече Шыңар мәдәният йорты һәм китапханә хезмәткәрләре Мишә елгасы буенда балалар белән  балык тоту ярышы оештырдылар. Һәрберсе балык тотуда үз осталыкларын сынап карадылар. Балык тоту уңышлы үтте! Балалар  табигатьнең матур күренешләренә сокланып, балык  эләккән саен шатланып, бер-берсе белән ярышып вакыт үткәнен сизми дә калдылар. Ярышта беренче урынны -  Бәхтияр Минһаҗев,  2 урынны - Эльмир Зиннәтов, 3 урынны аяз Гыйльметдинов алды. Иң зур балыкны  Камил Вафин каптырды. Бу балалар өчен  истә калырлык сәяхәт булды.