Керемнәре тотылган чыгымнарга караганда күбрәк булган.

Көндәлек  тормыш  өчен  ки­рәк­ле уңайлыклар тудыру­чы­лар­ның  эш­­ен­­­­­­нән тулысы белән канәгать бу­­­­лып бе­­тү мөмкин түгел. Шуңа кү­рә­ күп­­тар­маклы җитештерү пред­при­я­тие­ләрендә (алга таба-МПП) еллык хи­сап җыелышларында һәр­вакыт рай­он башлыгы Рәис Миң­неханов катнаша. Сөйләшүгә коммуналь ху­җалык хезмәт күр­сәткән авыл җир­лекләре башлык­лары да чакырыла.

Саба МППсында үткәрелгән җы­елышта предприятие директоры Ил­нур Хәбибуллин  сүзне су белән тәэ­мин итү тармагыннан башлады. Су – иң кирәге, ансыз тормыш юк. МПП 32 скважинага, 7 каптажга, 179 километр үткәргечкә хезмәт күр­­сәтә. Барлыгы 6225 абонент  исәп­ләнә. Былтыр кулланучыларга 552 мең кубометр су бирелгән. Олы Нырты авылында торбалар, Ма­ма­лайда су челтәре алышынган, башнялар ремонтланган, Мәртен каптажының санитар зонасы коймаланган. Быелгы планнарга килгәндә, Сабада һәм Сатыш авылында  күп балалы гаиләләргә бирелгән җир кишәрлегенә су кертү, Олы Арташ, Туктар авылларында скважиналарга павильон куеп насослардагы ток ешлыгын үзгәрткечләр урнаштыру планлаштырыла. Район башлыгы су югалышын төгәл анализлау максатында башняларга аерым хисаплагычлар кую мәсьәләсенә дә тукталды.

Җирлекләргә хезмәт күрсәтү бе­лән бәйле тагын бер тармак – каты көнкүреш калдыклары чыгару һәм урнаштыру да көндәлек хезмәт сорый. Сабада моның өчен 143 мәйданчыкта 447 евроконтейнер урнаштырылган. Алардан 2023 елда полигонга 49 мең кубометр чүп чыгарылган. Халыкның мөрәҗәгатен исәпкә алып, былтыр октябрь аенда да урамнарга өстәмә зур контейнерлар куелган. Хәзер авылларда да  чүп җыйнауны контейнерлаштыру бара.

“2019 елдан бирле төбәк операторы белән эшлибез. Алар тарафыннан куелган таләпләрне үтәп, уңай чишелеш табып  киләбез”,– диде Илнур Хәбибуллин.

Әлеге тармакның керемнәре тотылган чыгымнарга караганда күбрәк булган. Шул ук вакытта зыянга эшләгәннәре дә бар. Мәсәлән, төзекләндерү һәм яшелләндерү тармагы елны минус 271 мең сум белән төгәлләгән. Моның белән Рәис Нургали улы да килешеп бетә алмады.

“Кайсы хезмәттә зыянга эшләнгән: агач кисүдәме, төзекләндерүдәме, кар чыгарудамы, башкадамы? Югыйсә расценкалар Шәмәрдән предприя­тиесе белән бер бит. Башта үзегез бар­лагыз. Аннары башкарма ко­ми­тетның икътисад бүлеге белән берлектә анализлыйсы була. Без өстәмә башкарылган эшкә дә шулай ук түләүне карыйбыз. Минус чыгарга тиеш түгел”, – диде ул.

Моннан тыш канализация челтәре һәм чис­тарту корылмалары тармагы бу­енча да предприятиегә бурычлар ку­елды. Эчә торган суларда елдан-ел селте арта баруы сәбәпле, район үзәгендәге Сабинка елгасының көн­батыш өлешендә (подстанция ягы) ур­нашкан йортларны канализациягә тоташтыру өчен проект әзерләү турында сүз алып барылды.  Җыелыш соңында 2023 елда хезмәттә югары күрсәткечләргә иреш­кәннәргә предприятиенең Мак­тау грамоталары тапшырылды.

Шәмәрдән МППсында хисап чо­рына анализны предприятие ди­рек­торы Альмир Шәйхетдинов яса­ды. Коллективның уртак тырышлы­гы белән барысы 105,124 миллион сумлык эш башкарылып, 114,5 процент үсешкә ирешелгән. Елны 2,6 мил­лион сум чиста табыш белән тө­­гәлләгәннәр. Кулланучыларга 475515 кубометр су сатылган, 4352 Ге­гакалория җылылык бирелгән, поли­гонга 68341 кубометр көн­кү­реш калдыклары чыгарылган. 2023 елда предприятие башкарган кү­ләмле эшләрнең берсе уңайсыз рельефлы Мичәнбаш авылында су­үт­кәргечләр сузу булды. Моннан тыш “Шәмәрдән-2”дә, Тимершыкта аерым урамнарга су кертелде. Көектә су чел­тәре ре­конструкцияләнде.

Коллектив ирешелгәннәрдән чы­­­гып, 2024 елда тагын да яхшы­рак күрсәткечләргә ирешүне мак­сат итеп куя. Мисалга, кулланучыларга җылылык бирүдән 12188 мең сум керем алынса, агымдагы елга 13691 мең сум итеп бил­геләнде. Планнарга килгәндә, Шә­мәрдән һәм Мичәнбаш суүт­кәр­геч­ләре боҗраланып алыначак. Эз­мә авыл җирлегендә су челтәре үт­кәреләчәк. Герметик коелар  ясап, яңа чистарту корылмасын фай­да­лануга тапшыру, полигонның мәй­данын киңәйтү күздә тотыла. Ка­нализация-насос станциясен капиталь ремонтлау өчен проектлау эше дә алып барыла.