Кичә махсус хәрби операция барышында һәлак булган Илфар Илфат улы Галимҗанов белән хушлаштылар
Батырлар даны мәңгелек
Кичә районыбызда махсус хәрби операция барышында һәлак булган Олы Арташ авылыннан Илфар Илфат улы Галимҗановны соңгы юлга озаттылар. Райондашыбызның батырлыгы алдында баш ияргә әти-әнисе, туганнары, авылдашлары, классташлары, дуслары, якыннары белән бергә Федераль салым хезмәтенең ТР буенча идарәсе җитәкчесе урынбасары Андрей Никиташин, Саба муниципаль районы башлыгы Рәис Миңнеханов, Саба һәм Теләче районнары буенча хәрби комиссар Фәнис Закиров, башка җитәкчеләр дә килде.
Илфар Илфат улы 1995 елның 6 июнендә туган. Өйләнмәгән, Олы Арташ авылында әти-әнисе, бертуган сеңлесе яшиләр. Махсус хәрби операциягә контракт нигезендә киткән. 2024 елның 17 сентябрендә Украинада хәрби бурычын үтәгәндә һәлак булган.
Мәтам чарасында чыгыш ясаган һәркем аның чын ир-егет, тугры дус, изге җанлы, игелекле туган булуы турында сөйләделәр.
Урыны җәннәттә булсын. Илфар Галимҗановны һәрвакыт якты киләчәгебез өчен гомерен корбан иткән батыр райондашыбыз буларак искә алырбыз.
Следите за самым важным и интересным в Telegram-каналеТатмедиа
Нет комментариев