Кырбаш авылында Питрау көне

«Татарстанда җәй» проекты кысаларында 14 июльдә Кырбаш авыл клубы территориясендә якын-тирә авыллардан килүчеләрне һәм кунакларны берләштергән «Питрау көне» бәйрәме узды.

Бәйрәм дуслык хороводы белән башланып китте — ул бердәмлекнең, күршелек мөнәсәбәтләренең һәм гореф-гадәтләргә ихтирамның символы булды.  Яртышлы концерт программасы һәм күңелле конкурслар кунакларга күп кенә шатлыклы хисләр һәм күтәренке кәеф бүләк итте.

«Питрау көне» чын мәгънәсендә дуслык, үзара аңлашу һәм милләтара татулык бәйрәменә әверелде. Мондый очрашулар мәдәни мирасны сакларга, гореф-гадәтләрне кадерләп тотарга һәм аларны киләчәк буыннарга тапшырырга ярдәм итә. Изге традицияләр кешеләрне җылылык, ихтирам һәм туган мәдәнияткә чын күңелдән мәхәббәт белән берләштереп, яшәргә дәвам итсен.

Чарада 31 кеше катнашты, тамашачылар йөздән артык  иде.

Надежда Черненко.