Лесхоз өлкәннәр һәм инвалидлар өчен интернат-йортында тәрбияләнүчеләрне күрше районнан килеп котладылар

 Бу көннәрдә өлкәннәребез, тыл ветераннары  Бөек Җиңүнең 79 еллыгы уңаеннан бәйрәм тәбрикләүләре алалар. Шул исәптән Лесхоз өлкәннәр һәм инвалидлар интернат-йортында тәрбияләнүчеләрнең дә хәлләрен белүчеләр, күчтәнәчләр китерүчеләр күп. Шушы көннәрдә биредә Теләче районы вәкилләре булып китте. Югары Кибәхуҗа авыл җирлеге башлыгы Фәрит Мәхмүтов  шушы авыл җирлегеннән килгән ветеран Рузилә Бари кызы Бариевага бәйрәм котлауларын ирештерде: Татарстан Республикасы Рәисе Р.Н. Миңнехановтан бүләкләр һәм котлау открыткалары тапшырды.