Маллар электрон исәптә тора

  Татарстан Республикасы Министрлар Кабинетының Баш ветеринария идарәсе башлыгы урынбасары Илдар Ногманов эш визиты белән Саба районына килде. Ул Төньяк зонадагы Теләче, Арча, Әтнә, Биектау, Кукмара, Балтач, Питрәч, Мамадыш районнары ветеринария берләшмәсе башлыклары белән киңәшмә үткәрде. 

Очрашуда авыл хуҗалыгы терлекләрен идентификацияләү буенча агымдагы мәсьәләләр,  ветеринария  өлкәсендә "ВетИС" федераль дәүләт мәгълүмат  системасына керүче продукцияне мониторинглау һәм базарда катнашучылар турында белешмәләр тупланган Цербер системасындагы мәйданчыкларны актуальләштерү эше турында фикер алыштылар.