Мишә авыл җирлегендә тыл ветераннарын котладылар

   Бүгенге көндә Байлар Сабасында яшәүче 100 яшәр «ак әби» Тәкмилә Халикованы якынлашып килүче Бөек Җиңүнең 81 еллыгы белән котладылар. Сабабаш авылында туып үскән кызга дүрт сыйныф кына белем алырга туры килә. Өч абыйсы сугышта һәлак була. Сугыш чорында  яшьтәшләре белән Арчада урман  кисәргә дә йөри. Ачлы-туклы балачак, кыз баланың җилкәсенә төшкән авыр хезмәт,  сугыш еллары, югалтулар әбекәй өлешенә дә күп тигән.

  1952 елда  авылдашы Ваһап Халиков белән гаилә коралар.  Әмма аларга парлы тормышта 11 ел гына яшәү насыйп була:  1964 елда Тәкмилә апа 37 яшендә дүрт бала белән тол кала.