«ОНИКС» мәгариф үзәгендә әтиләр һәм бабайлар «Форт Боярд»ны яуладылар!
«ОНИКС» мәгариф үзәгендә 5-11 сыйныф укучыларының әтиләре һәм бабайлары өчен «Форт Боярд» исемле кызыклы квест-уен оештырылды.
Бу уенда ир-атларыбызда ил сакчыларына тиң булган җитезлек һәм зирәклек сыналды. Катнашучылар бик теләп катлаулы биремнәрне үтәделәр, команда рухын, ихтыяр көчен күрсәттеләр. Квестның һәр этабы максималь тырышлыкны, бер-береңне яклауны һәм, әлбәттә, күтәренке кәефне таләп итте!
Көч, җитезлек һәм гадәти булмаган мәсьәләләрне чишү сәләте буенча ярышып, командалар киртәләрне җиңделәр, башваткычларны чиштеләр һәм серле ачкычларны таптылар. Хисләр ташып торды, ә тамашачылар – укучылар һәм педагоглар – үз геройлары өчен көч биреп утырдылар.
"ОНИКС" мәгариф үзәгендә "Форт Боярд"ның төп җиңүчеләре 11 нче сыйныф командасы булды! Мондый чаралар гаилә бәйләнешләрен ныгытып кына калмый, ә балаларда өлкән буынга хөрмәт, әтиләре һәм бабалары белән горурлану хисе тәрбияли һәм "ил сакчысы" сүзенең чын мәгънәсен ачып бирә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев