Райондашыбыз “Татмедиа” бүләгенә лаек булды

  Бәйгегә барлыгы 452 гариза алынган. Уйнатылган 17 бү­ләкнең берсе – үтүк  Байлар Сабасыннан Әлфия Ишморатова бәхетенә  насыйп булды. Әлфия ханым үзе авырып китү сәбәпле, 22 февральдә “Татмедиа” бүләген “Саба таңнары” га­зетасының баш мөхәррире Рөс­тәм Исмәгыйлов аның кы­зы  Гөлназ Юнысовага тапшырды. Киләчәктә дә тугры абу­нәчебез булып калуын теләде. “Әниебез озак еллар “ПМК” җәм­гыятендә  кадрлар бүлеге мөдире булып эшләде. Гомер буе газета-журналларны күп  итеп алдырдылар. Хәзер дә 8-9 төрле басмага язылып,   яратып укый.  Акциядә ел саен катнашса да, бүләк оту быел гына насыйп булды.   Әниебез  23 февральдә 75 яшен каршылады. Туган көненә үзе бүләк әзерләде”, – ди Гөлназ. Бүләк оту  – бик тә куанычлы кү­ренеш,  әмма ярты ел буе  рухи байлык чыганагы булган газета-журналлар өеңә килеп торуы икеләтә шатлык.   Рухи байлыктан аерыл­мыйк!