Районыбызда кыр эшләре барышы

  Соңгы атнада   массасы  сенажга  чаптырылган мәйданнар 4300-4500 гектарга артты. Барысы  5709 гектарда үләннәр  җыеп  алынган. Район хуҗалыкларында барлыгы 35866 тонна сенаж, 367 тонна  печән әзерләнгән.  Авыл хуҗалыгы һәм азык-төлек идарәсеннән алынган мәгълүматлардан  күренгәнчә, 18 июньгә “Мөхәммәтшин” крестьян-фермер  хуҗалыгында   күпь­еллыкланың  беренче  катын  чабу 550 гектарда  төгәлләнгән.  Аннан 3815 тонна  сенаж  салынган. "Урта Саба" бригадасында  да  үләннәрнең   соңгы гектарлары  чабыла. Тупланган  сенаж  3610 тонна тәшкил итә.  “Игенче” җәмгыятендә 754 гектардан  сенаж траншеяларына 6848 тонна  яшел  масса,  өсте ябылулы  урыннарга 125 тонна  печән  кайтырылган. Күпьеллыкларның  бутонлашу  фазасы  узды. Сенажның  сыйфаты начарламасынга  эш  темпын  тизләтү  сорала.

Район хуҗалыкларында үсем­лек­ләрне 16491 гектарда  тамырдан тукландыру үткәрелгән.  Чүп үләннәренә,  корткычларга  һәм  авыруларга  каршы үсемлекләр гербицидлар белән – 21985,  фунгицидлар  кулланып – 6658, инсектицидларны эшкә җигеп  2120 гектарда   эшкәртелгән.