Рамил Шәймәрданов: “Сайлау процессына үз өлешемне кертәсем килде”

Безнең досье: Рамил Рәфыйк улы Шәймәрданов 2010 елдан "Саба" җаваплылыгы чикләнгән җәмгыятендә агроном булып эшли. Футбол, волейбол, татар җырларын башкару белән мавыга. Җирле һәм район чараларында чыгыш ясый. Сайлау системасында стажы - 13 ел.

“Мин 2011 елдан алып 2487нче номерлы Сатыш сайлау участогында рәис булып эшлим. Иртән комиссияне бер тапкыр барлап чыгу, сайлауны ачып җибәрү, контрольдә тоту – безнең төп бурычыбыз. Илебездә барган сәясәткә битараф булмавым да сайлау комиссиясенә керүемә этәргеч булгандыр. Миңа бу эш ошый. Сайлау процессына үз өлешемне кертәсем килде.”