Рәшидә Садыйкованы 90 яшьлек юбилее белән котладылар
Юбилярны социаль яклау бүлеге начальнигы Лилия Гайнетдинова һәм «Лесхоз картлар һәм инвалидлар интернат йорты » директоры Рөстәм Равилин, Шәмәрдән авыл җирлеге вәкиле тәбрикләп, район башлыгының котлау хатын тапшырдылар.
Рәшидә Садыйкова Кукмара районының Яңа Кумор авылында туган. Гаиләдә өч кыз була. Әтисе Бөек Ватан сугышында вафат була. Яшь чагында Яңа Кумор авылында терлекче булып эшли. Кияүгә чыгып, Саба районының Шәмәрдән авылына күчеп килә, улы һәм кызы туа. Пенсиягә чыкканчы Байлар Сабасында көнкүреш йортында эшли.
«Юбиляр безнең интернатта яшәүче мәрхәмәтле хатын. Ул игелекле һәм янәшәдәгеләре турында кайгыртучан, үрнәк булып тора» . дип хөрмәт белән котлады интернат директоры Рөстәм Равилин
Следите за самым важным и интересным в Telegram-каналеТатмедиа
Нет комментариев