Республиканың Мөслимәләр берлеге аз керемле мөселман гаиләләренә яңа киемнәр өләшә

ТР мөселманнары Диния нәзарәтенең хатын-кызлар белән эшләү бүлеге һәм ТР мөслимәләре берлеге Ураза бәйрәме һәм Корбан бәйрәме хөрмәтенә яңа балалар киемнәре тарата башлады. Акция Корбан бәйрәменә кадәр дәвам итәчәк һәм республиканың барлык 48 мөхтәсибәтен колачлаячак. Урыннарда киемнәрне аз керемле һәм күпбалалы гаиләләр арасында мөхтәсибләр һәм абыстайлар бергәләп бүлеп бирәчәк. 

Бүгенге көндә кием алу өчен 35 мөхтәсибәттән гариза бирелгән. Нәзарәтнең хатын-кызлар белән эшләү бүлеге һәм ТР мөслимәләре берлеге җитәкчесе Наилә Җиһаншина сүзләренчә, һәр районга тукыма фабрикаларының берсе бушлай биргән 50 комплекттан артык балалар киеме тарату көтелә. Мохтаҗларга киемнәр тарату Саба районы мөхтәсибәтендә дә башкарылачак. Киемнәрнең бер өлеше районыбызга кайтарылды инде.

чыганак: ТР Диния Нәзарәте сайты