Рөстәм Миңнеханов республика массакүләм мәгълүмат чараларына 49 автомобиль ачкычы тапшырды
Яңа автомобильгә «Саба дулкыннары» телерадиокомпаниясе дә ия булды
Татарстан рәисе Рөстәм Миңнеханов «Татмедиа» акционерлык җәмгыяте составына керүче республика массакүләм мәгълүмат чаралары мөхәррирләренә автомобиль алуга сертификат тапшырды. Редакцияләргә 48 Lada Vesta һәм бер Lada Aura машинасы тапшырылды.
"Бу автомобильләр сезнең редакцияләрне тагын да мобиль итәчәк һәм оператив бурычларны хәл итәргә ярдәм итәчәк. Сез тапкан һәм тараткан мәгълүмат идарә карарлары һәм республика җитәкчелеге өчен бик мөһим. Моннан тыш, бу кешеләрнең кәефен аңларга һәм без нинди трендта хәрәкәт итәргә тиешлегебезне аңларга ярдәм итә", - дип мөрәҗәгать итте мөхәррирләргә Миңнеханов. Республика рәисе яңа автомобильләрдә игътибарлы һәм сак йөрергә өндәде.
Автомобильләр яңа «Миллениум Панорама» кунакханәсе янындагы мәйданда тапшырылды, аннары анда 2025 ел нәтиҗәләре буенча ТР Рәисенең матбугат конференциясе старт алды.
Фотолар Республика рәисе сайтыннан алынды
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев