«Саба мендәре» гаилә остаханәсе эшкуарларның социаль инициативалары Бөтенроссия конкурсының төбәк этабы җиңүчесе булды

Районыбызның "Саба мендәре" гаилә остаханәсе (Лилия һәм Фәрит Вафиннар) эшкуарларның  «Мой добрый бизнес» социаль инициативалары Бөтенроссия конкурсының  төбәк этабында җиңүче булды.

Конкурс кече, урта һәм эре бизнес субъектлары һәм коммерциячел булмаган оешмалар (НКО) арасында иң яхшы социаль җаваплы тәҗрибәләрне эзләүгә, ачыклауга һәм популярлаштыруга, шулай ук корпоратив социаль җаваплылык юнәлешен үстерүгә һәм идеяләргә ярдәм итүгә юнәлдерелгән.Лилия һәм Фәрит Вафиннарны әлеге җиңүләре белән котлыйбыз һәм яңадан яңа иҗат уңышлары телибез!