Саба муниципаль районы Советы утырышында бүләкләнделәр

Бүген   Саба муниципаль районы Советының чираттагы утырышы (сессия) булды. Утырышны Совет рәисе, район башлыгы Рәис Миннеханов алып барды. Башта  җирле үзидарә органнарында озак  еллар нәтиҗәле эшләүчеләр Мактау грамоталары белән бүләкләнде. Җирле үзидарәне үстерүдәге казанышлары өчен Саба муниципаль районы башкарма комитетының архив бүлеге начальнигы Сираҗетдинова Альбина Нәкыйп кызына Бөтенроссия Җирле үзидарәне үстерү Ассоциациясенең Рәхмәте белдерелде.        Җирле үзидарә органнары эшчәнлегенең нәтиҗәлелеген үстерүдәге, җирле әһәмияттәге мәсьәләләрне хәл итүдәге уңышлары һәм күпьеллык намуслы хезмәте өчен Тимершык авыл җирлеге башкарма комитеты  баш бухгалтеры Шәкүрова Гөлсирин Борисовна «Татарстан Республикасы муниципаль берәмлекләре Советы» Ассоциациясенең Мактау грамотасы тапшырылды.

Җирле үзидарә органнарында күпьеллык нәтиҗәле хезмәтләре өчен Тимершык авыл җирлеге башкарма комитеты сәркатибе Вафина Энҗе Сәүбән кызы,  Мишә авыл җирлеге башлыгы Гатиятуллин Азат Хөрмәт улы, Явлаштау авыл җирлеге башкарма комитеты сәркатибе Минкәбирова Рәкыя Нурәхмәт кызы, Олы Шыңар авыл башкарма комитеты сәркатибе Нәбиуллина Диләрә Хәйдәр кызы, Олы Кибәче авыл җирлеге башлыгы Сафин Айрат Камил улы Саба муниципаль районының Мактау грамотасы, Явлаштау авыл җирлеге башкарма комитеты баш бухгалтеры Фазыйлова Фәнүсә Илфат кызы Саба муниципаль районы башлыгының Рәхмәт хаты  белән бүләкләнделәр.

 Күпьеллык нәтиҗәле хезмәте һәм районның җәмгыяви-сәяси эшчәнлегендә актив катнашуы өчен «Бердәм Россия» Бөтенроссия сәяси партиясенең Саба җирле бүлекчәсе башкарма директоры Зарипов Фәрит Хәйдәр улы Саба муниципаль районының Мактау грамотасы белән бүләкләнде.

 Татарстан Республикасында сайлау системасын үстерүгә зур өлеш кертүе өчен 2481нче участок сайлау комиссиясе сәркатибе Мусина Җәүһәрия Хәниф кызы, 2464нче  участок сайлау комиссиясе рәисе Шәйхетдинов Эльнар Якуп улы Татарстан Республикасы Үзәк сайлау комиссиясенең Мактау грамотасы белән бүләкләнделәр.

Россия Федерациясе Президенты сайлауларын әзерләүдә һәм үткәрүдә актив һәм нәтиҗәле эше өчен 2497 нче участок сайлау комиссиясе әгъзасы Ибраһимова Розалия Әхмәт кызына, 2499 нчы номерлы участок сайлау комиссиясе әгъзасы Хаҗиева Әлфирә Рифкать кызына Татарстан Республикасы Үзәк сайлау комиссиясе рәисенең Рәхмәте белдерелде.