Саба укучылары табигатьне кайгырта

  Татарстан Республикасы Экология министрлыгы «Экология» илкүләм проектына ярдәм йөзеннән үткәрелә торган унынчы юбилейлы «Мәктәп экопатруле» конкурсына йомгак ясадылар. Бәйгедә  катнашу  өчен  укучылар санкцияләнмәгән  урында   көнкүреш  калдыклары ташлану,  юынтык  сулар түгелү фактларын телефонга төшереп  яки   видео  ясап министрлыкка  җибәрергә тиешләр  иде. Җиңүчеләр «Иң актив укучы», «Иң актив сыйныф», «Иң актив мәктәп» һәм «Иң яхшы муниципаль район» номинацияләрендә билгеләнде. Бүләкләнүчеләр арасында районыбыз  мәктәпләре  укучылары  да бар. Саба гим­назиясеннән VIII сыйныф  укучысы  Лиана Хәбирова  “Иң  актив  укучы”номинациясендә  – 1нче, сәләтле балалар өчен  “ОНИКС” мәгариф  учреждениесенең  3нче  сыйныф  укучысы  Илсинә Габдрахманова  2нче  урынны  алдылар.  Җиңүчеләргә смарт-сәгать,  телефон, фотоаппарат,  телескоплар  бирелде.