Сабабаш авыл клубында «Җырлап яшик» концерт программасы
16 ноябрь көнне Лесхоз мәдәният йорты хезмәткәрләре, Сабабаш авыл клубы белән берлектә, «Җырлап яшик»дип исемләнгән концерт программасы оештырдылар. Концертка кадәр Мишә авыл җирлеге башлыгы Гатиятуллин А. Х. чыгышы белән халык җыены булды.
Якынлашып килүче " Әниләр көне» уңаеннан Сабабаш авылында концерт белән чыгыш ясарга булдык. Әни турында чиксез һәм бары тик иң яхшы сүзләр генә әйтергә була. Әни-ул безнең тормыш чыганагы, безнең фәрештә саклаучы. Әни безне барлык өстенлекләр һәм кимчелекләр белән ярата.Әни исән чакта-без балалар. Ул безне кояш кебек җылыта, үсәргә ярдәм итә. Сабыйның беренче сүзе-әни. Дөньяның барлык телләрендә дә ул бертөрле яңгырый, чөнки Әни дөньяда булган иң изге һәм яраткан кеше.
Авыл халкы безне бик җылы кабул итте. Без халык җырлары, заманча җырлар башкардык. "Үзбәк һәм татар" биюләре биедек. Шигырьләр сөйләдек.Һәм, әлбәттә инде, безнең фольклор коллектив җыр-бию белән чыгыш ясады.
Фото: saby.tatarstan.ru
Чыганак: saby.tatarstan.ru
Следите за самым важным и интересным в Telegram-каналеТатмедиа
Нет комментариев